बीडमध्ये खून मालिका सुरूच; मेंढपाळ तरुणाची निर्घृण हत्या, काय आहे नक्की प्रकरण?

Beed Crime : बीड शहरासह जिल्ह्यात दिवसेंदिवस गुन्हेगारीचं प्रमाण वाढतच चाललं आहे. त्यामुळे सध्या संपूर्ण राज्यात बीड जिल्हा चर्चेत आहे. अशातच बीडमधून एक भयंकर कांड समोर आलं आहे. बीड जिल्ह्यात खूनाची मालिका सुरूच आहे. आता पाटोद्यात मेंढपाळ तरुणाची शुक्रवारी भल्या पहाटे निर्घृण हत्या करण्यात आली आहे.

बीडच्या पाटोदा तालुक्यातील रायमोहा पोलीस चौकी हद्दीतील दगडवाडी येथे शुक्रवारी (5 सप्टेंबर) रोजी (Beed) पहाटेच्या सुमारास एका मेंढपाळ तरुणाचा खून झाला आहे. दीपक केरा भिल्ल (वय- 19, रा.बऱ्हाणपूर, मध्य प्रदेश) असं मृत तरुणाचं नाव आहे. डोक्यात भला मोठा दगड घालून दीपकची हत्या तरण्यात आली आहे. दीपक आपल्या कुटुंबीयांसोबत मेंढ्या चारण्यासाठी या परिसरात आला होता.

पुणे हादरलं! आंदेकर टोळीने वर्षभरानंतर वनराज आंदेकरच्या खुनाचा घेतला बदला; नाना पेठेत मर्डर

विलास एकनाथ भोसले (वय-52, रा. वैजापूर, जि.संभाजीनगर) याने दीपकच्या डोक्यात दगड घालून त्याचा खून केला आणि त्यानंतर तो फरार झाला. अशी माहिती पोलिसांनी दिली आहे. आरोपीचा शोध घेण्यासाठी पोलिसांची पथके रवाना झाली आहेत. पाटोदा पोलीस स्टेशनमध्ये गुन्हा दाखल करण्याची प्रक्रिया सुरू आहे.

पोलीस निरीक्षक संभाजी तागड या प्रकरणाचा पुढील तपास करत आहेत. या घटनेमुळे परिसरात एकच खळबळ उडाली असून, जिल्ह्यात सुरू असलेल्या खुनाच्या घटनांच्या मालिकेत आणखी एका घटनेची भर पडली आहे.

संबंधित बातम्या